MANIFESTO POLÍTICO

POLA ABOLICIÓN DA PROSTITUCIÓN

 

O Senado constituíu, o pasado 21 de marzo de 2002, unha “Comisión Especial de Estudio da Prostitución” e dos seus traballos haberán de saír propostas políticas tendentes a definir a posición da nosa sociedade fronte á mesma.

NÓS ABOLICIONISTAS que reclamamos unha sociedade constituída sobre a igualdade e dignificación das persoas, consideramos incompatible o uso e explotación sexual que representa a prostitución e por isto denunciamos:

Que a prostitución constitúe, en tódolos casos e circunstancias, unha enérxica modalidade de explotación sexual das persoas prostituídas, especialmente de mulleres e menores e un dos xeitos máis arraigados nas que se manifesta, exerce e perpetúa a violencia de xénero.

Que a inhibición e tolerancia dos poderes públicos fronte ós que organizan, reclutan, transportan, inducen á prostitución e fronte a tódolos que obteñen beneficios económicos da prostitución, favorece a expansión e arraigo dunha práctica que compromete a vida, saúde, integridade psíquica de numerosas persoas, especialmente mulleres e menores.

Que o prostituidor/cliente, invisibilizado ata o momento, é responsable coa súa demanda do desarrollo da industria do sexo.

NÓS ABOLICIONISTAS reivindicamos que as iniciativas dos nosos responsables políticos vaian encamiñadas:

A remover as condicións e circunstancias que permiten, favorecen e propician a prostitución, especialmente mediante a profundización das políticas de igualdade de oportunidades para mulleres, sen que en ningún caso, poida ser regulamentada esta forma de escravitude.

A penalizar tódalas modalidades de proxenetismo –incluída a dos autodenominados “empresarios do sexo”-, medie ou non consentimento da persoa prostituída, nos termos do Convenio de Nacións Unidas para a Represión da Trata de Persoas e da Explotación da Prostitución Allea de 12 de decembro de 1949 e isto, de conformidade cos compromisos que asumimos ante a Comunidade Internacional, coa ratificación de dito instrumento.

A desarrollar políticas de prevención e especialmente de sensibilización e deslexitimación dos prostituidores/clientes, actores responsables deste forma de violencia.

 

PROMOVEN: ALECRÍN, APRAMP, ASOCIACIÓN DE ASISTENCIA A MUJERES VIOLADAS DE CATALUÑA, ASOCIACIÓN CLARA CAMPOAMOR, ASOCIACIÓN DE MUJERES SEPARADAS Y DIVORCIADAS DE CATALUÑA, ASOCIACIÓN VILLA TERESITA, COMISIÓN PARA LA INVESTIGACIÓN DE MALOS TRATOS A MUJERES, FEMINISTAS INDEPENDENTES GALEGAS, INSTITUTO PROMOCIÓN SERVICIOS SOCIALES ESPECIALIZADOS, MUJERES DE NOCHE BUSCANDO EL DIA.